منصة تجميع الـ PC
اختر قطعك وحدة وحدة، والباني يشيّك على توافقها أول بأول، ويوريك سعر كل قطعة في المتاجر السعودية المتوفّرة الحين. وإذا ما تدري من وين تبدأ، جاوب على سؤالين في «ما تدري وش تبي؟» ونبني لك ثلاث تجميعات من القطع المتوفّرة.
وش يفحص الباني؟
كل قطعة تختارها نقارنها باللي اخترته قبلها. اللي يمنع التركيب (مقبس ما يطابق، لوحة ما تدخل الكيس، مزوّد أصغر من اللي تحتاجه) نوقفك عنده، واللي يشتغل بس فيه نقص (رام أسرع من اللوحة، معالج بدون مبرّد) نعطيك عليه ملاحظة. والقطع اللي ما تتوافق نخفيها من القائمة، وتقدر تطلّعها عشان تشوف السبب.
- المعالج: يحدّد المقبس ونوع الرام، وهل يجي معه مبرّد ورسوميات مدمجة.
- اللوحة الأم: نشيّك عليها مع المعالج (المقبس وحدّ القدرة) ومع الكيس (المقاس).
- الذاكرة: نوعها (DDR4 ولا DDR5) وحجمها وسرعتها، وهل اللوحة تدعمها.
- كرت الشاشة: هل طوله يدخل الكيس، واستهلاكه نحسبه على المزوّد.
- التخزين: نوع القرص وحجمه وسرعته.
- مزوّد الطاقة: هل قدرته تكفي القطع مع هامش يكبر كل ما كبر الكرت، وهل مقاسه يركب في الكيس.
- الكيس: هل يسع اللوحة والكرت والمزوّد والمبرّد.
- المبرّد: هل يدعم مقبس المعالج ويدخل الكيس — وننبّهك إذا المعالج ما معه مبرّد.
الأسعار نحدّثها من المتاجر تلقائياً كذا مرة في اليوم، والسعر اللي تشوفه هو أرخص عرض متوفّر. ولو تبي شرح أوسع عن كل قطعة، اقرأ أدلّة التجميع.